Marengsterta með Ástaraldin-mús

Written by on in Bakstur

Jii það sem þessi kaka hefur slegið í gegn! Ég hef haft hana í eftirrétt síðustu tvö áramót og hún klárast ALLTAF! hún er fersk og létt og því er hún hinn fulkomni desert eftir “þunga” máltíð. Ég hef prófað að útfæra músina á mismunandi vegu t.d með browniebotni og í maregnsrúllutertu. En að mínu mati hefur hún komið best út með púðursykurmarengsbotni.

Það getur verið smá maus að útbúa “ástaraldin-músina” en eins og alltaf þá er það er vel þess virði.

Marengsterta með ástaraldin mús
Print

Marengsterta með ástaraldin mús

mARENGSBOTN

  • 4 eggjahvítur

  • 100 gr hvítur sykur

  • 100 gr púðursykur

  • 1 bolli rice crispies (valfrjálst)

  • 1 tsk lyftiduft


  • ÁSTARALDINMÚS

  • 6 ástaraldin (gott að grípa eitt auka sem skraut)

  • 2 eggjahvítur

  • 2 eggjarauður

  • 60 gr sykur

  • 3 msk flórsykur

  • 1 vanillustöng

  • 3 dl af rjóma

  • 3 matarlímsblöð

Leiðbeiningar

  • MARENGS
  • Stillið ofninn á 150°C með blæstri.
  • Þeytið saman sykur og eggjahvítur þar til marengsblandan er orðin stíf.
  • Þegar marengsblandan er alveg að verða tilbúin má bæta við 1 tsk af lyftidufti á meðan hrærivélin er enn í gangi.
  • Blandið rice krispies varlega saman við blönduna.
  • Færið blönduna yfir á tvær ofnplötur með bökunarpappír og myndið hringi.
  • Bakið í ofni í u.þ.b 45-60 mínútur (gott að fylgjast með marengsnum þar sem bökunarhraðinn getur farið eftir ofninum).
  • ÁSTARALDINMÚS
  • Leggið matarlímsblöðin í bleyti í kallt vatn í u.þ.b 20 mínútur.
  • Skerið ástaraldin í helminga og skafið kjötið úr.
  • Sigtið kornin frá ástaraldinvökvanum en geymið kornin fyrir skreytingar í lokinn.
  • Hitið safann í potti þar til það rýkur örlítið úr honum (passið að brenna hann alls ekki). Takið pottinn af hellunni og hrærið matarlímsblöðunum saman við. Leyfið að kólna.
  • Skerið vanillustöninga í tvennt og skafið kornin varlega úr.
  • Maukið kornin úr vanillustönginni saman við sykurinn til þess að búa til vanillusykur.
  • Þeytið vanillusykrinum saman við eggjarauðurnar þar til blandan verður loftkennd og ljós.
  • Þeytið í annarri skál (með hreinum þeytara) eggjahvíturnar og flórsykurinn saman þar til það líkist marengsblöndu.
  • Léttþeytið rjómann í hreinni skál en passið að stífþeyta hann ekki.
  • Blandið ástaraldinvökvanum varlega saman við eggjarauðublönduna.
  • Bætið eggjarauðublöndunni saman við rjómann og hærið varlega saman.
  • Að lokum má velta eggjahvítublöndunni varlega saman við rjómablönduna.
  • Berið ástaraldinmúsina á marengsbotninn og skreytið með kornunum.
  • Kælið kökuna í a.m.k. 2-3 tíma svo músin stífni en að sjálfsögðu er einnig hægt að geyma hana í kæli yfir nótt.